Абодва ўладальнікі зброі, вырабленай саматужна, – пенсіянеры. Першая знаходка чакала супрацоўнікаў інспекцыі аховы жывёльнага і расліннага свету ў доме 60-гадовага жыхара Клічаўскага раёна. Там знайшлі прадмет, падобны на пісталет, і 23 патроны.

Экспертыза паказала, што гэта былі прыдатныя для стральбы заводскія малакаліберныя патроны калібру 5,6 мм. Пісталет жа аказаўся самаробным. Ён быў адназарадным і таксама цалкам прыдатным для стральбы.

Гаспадар патлумачыў паходжанне свайго арсенала даволі будзённа. Шмат гадоў таму, калі быў паляўнічым, патроны ён купіў, а пісталет зрабіў сам, каб страляць свіней.

У 73-гадовага жыхара адной з вёсак Дрыбінскага раёна гісторыя аказалася яшчэ больш даўняй. Эксперты таксама прызналі знойдзеную ў яго зброю самаробнай дульназараднай гладкаствольнай і прыдатнай для стрэлаў. Разам з ёй мужчына захоўваў 41 заводскі патрон калібру 5,6 мм. Пенсіянер расказаў, што пісталет зрабіў яшчэ ў 1990-я гады. Патроны, паводле яго версіі, знайшоў у лесе прыкладна 15 гадоў таму і з таго часу захоўваў дома. 

Але адной зброяй яго запасы не абмежаваліся. У мужчыны знайшлі яшчэ каля 300 грамаў бяздымнага пораху. Экспертыза вызначыла яго як прамысловае выбуховае рэчыва, прыдатнае для выбуху.

Цяпер паходжанне і захоўванне гэтых вясковых арсеналаў вывучаюць следчыя. За незаконнае захоўванне агнястрэльнай зброі, боепрыпасаў і выбуховага рэчыва распачаты крымінальныя справы.

Фотаздымак: sudexpert.gov.by

The post У дваіх вяскоўцаў на Магілёўшчыне знойдзена самаробная агнястрэльная зброя appeared first on Магілёў.media.

Пра тое, што у Крычаўскім раёне шыльды з назвамі прыпынкаў, размешчаныя там графікі руху, інфармаванне пасажыраў у аўтобусах і тэкставая інфармацыя ў іх – толькі на рускай мове, “моўнаму інспектару” Ігару Случаку паведамілі ў мясцовым райвыканкаме. 

Цалкам аналагічны адказ на пытанні актывіста прыйшоў і з Чавускага райвыканкама, датычна моўнай сітуацыі ў чавускім грамадскім транспарце. 

Такім чынам, як высвятліў Ігар Случак усё больш раёнаў Магілёўскай вобласці далучаюцца да выкаранення беларускай мовы са штодзённага ўжытку. Пару дзён таму тое самае было засведчана ў Клімавіцкім раёне. 

Знішчаючы беларускую мову чыноўнікі і дзяржаўныя прапагандысты распавядаюць, як такое знішчэнне адбывалася ў міжваеннай Польшчы. Зыходзячы з таго, што беларускую мову на Магілёўшчыне практычна выкаранілі са школьнай адукацыі, грамадскага транспарту і іншых сфер штодзённага жыцця, гэтыя расповеды ўспрымаюцца як дэманстрацыя большых поспехаў у барацьбе з беларушчынай, чым тыя, што дасягнулі польскія ўлады каля ста гадоў таму.

Фотаздымак: Яндэкс.мапы

The post У Чавусах і Крычаве пачуць беларускую мову ў грамадскім транспарце немагчыма appeared first on Магілёў.media.

• пенсія па ўзросце;
• стаўка вядучага спецыяліста ў грамадскім аб’яднанні;
• месца ў першым радзе на раённых урачыстасцях – ад злёту перадавікоў да ўзнагароджання камбайнераў;
• першая рэпліка ў раёнцы на кожнае дзяржаўнае свята.

Пры такім наборы жаданне, каб нічога не мянялася, натуральнае: любая перамена – рызыка для стаўкі, знака і першага рада.
Тая ж інтанацыя гучала 14 верасня ў Палацы Незалежнасці, дзе Лукашэнка ўручаў узнагароды да свята. Яму 72, з іх 32 гады ва ўладзе.
Дзед запэўніў залу, што зробіць усё, каб людзі «не былі, як мінімум, расчараваныя», а калі на Беларусь і будуць паказваць пальцам, то «з зайздрасцю».
Ні слова пра тое, што трэба змяніць – толькі пра тое, што трэба захаваць. Анціпава і Лукашэнка гавораць адно і тое ж з розных паверхаў адной вертыкалі: у нас усё ёсць, не чапайце.
Што да «ўз’яднання» 1939 года, дзеля якога заснавана свята, то Чырвоная армія 17 верасня перайшла польскую мяжу па дамоўленасці з Германіяй.
У каляндар гэтая дата трапіла ў 2021 годзе – праз год разгромнага паражэння Лукашэнкі на выбарах, калі адзінства спатрэбілася неадкладна.
«Ад кожнага з нас залежыць», – сцвярджае Анціпава. Ад яе залежыць, каб раённая «Белая Русь» своечасова здала справаздачу аб мерапрыемствах. Ад Лукашэнкі – каб нічога не мянялася яшчэ адзін тэрмін. Абодва спраўляюцца.

Фота раённай газеты.

The post Усё для шчасця ёсць: хто ў Клімавічах гаворыць ад імя народнага адзінства appeared first on Магілёў.media.

Фота МогилевОнлайн.

The post У Магілёве электразарадку каля «Авеню» заблакавалі пліткай – уладальнікі электракараў заязджаюць з праезнай часткі appeared first on Магілёў.media.

Фота скрыншот відэа Следчага камітэта.

The post У Магілёве за смерць стажора на каруселі адкажа 25-гадовая загадчыца парку appeared first on Магілёў.media.

Адзначаецца ад 1994 году з ініцыятывы Арганізацыі Аб’яднаных Нацыяў.

16 верасня 1987 года 36 краін падпісалі дакумент, згодна з якім краіны-ўдзельніцы меліся абмежаваць і цалкам спыніць вытворчасць азонаразбуральных рэчываў. У 1994-ым 16 верасня абвясцілі Днём аховы азонавага слою.

Азонавы слой Зямлі мае таўшчыню 5 сантыметраў і паглынае біялагічна актыўнае сонечнае выпраменьванне і інфрачырвоныя хвалі, забяспечвае ўмовы для існавання ўсіх жывых арганізмаў.

У сучасным свеце назіраецца рэзкае падзенне зместу азону ў зямной атмасферы, ствараюцца «азонавыя дзіркі».

Згодна з графікам паэтапнай адмовы ад азонаразбуральных рэчываў развітыя краіны павінны спыніць іх выкарыстанне да 2030 году, а ўсе астатнія – да 2040.

1668 год. Кароль польскі і вялікі князь літоўскі Ян Казімір Ваза адрокся ад гаспадарання ў краі.

Ён – апошні кароль і вялікі князь з дынастыі Вазаў.

У час яго панавання адбыліся разбуральныя войны з Маскоўскай дзяржавай, казакамі, Швецыяй.

Пры ім былі страчана Прусія, Смаленскае ваяводства, Кіеў і левабярэжная Украіна.

Агульны гаспадарчы заняпад дзяржавы, няўдачы ў войнах, аслабленне міжнароднага становішча, напружаныя адносіны з магнатамі і шляхтай прывялі да адрачэння яго ад трону і эміграцыі ў Францыю.

1697 год. Аўгуст Моцны стаў каралём польскім і вялікім князем літоўскім.

Курфюрст саксонскі. Быў каралём польскім і вялікім князем літоўскім у 1697-1706 і 1709-1733 гадах.

Як саюзнік Пятра I, уцягнуў Рэч Паспалітую ў Паўночную вайну, што прывяло да баявых дзеянняў на тэрыторыі краіны, вялікіх страт беларускага насельніцтва, заняпаду краіны.

Пры ім пачалося актыўнае ўмяшанне Расіі, Прусіі, Аўстрыі і Францыі ва ўнутраныя справы, над краінай была ўстаноўлена пратэкцыя Расіі.

Была максімальна абмежавана колькасць войскаў – у Польшчы да 18 тысяч і ў ВКЛ да 6 тысяч.

Кароль больш клапаціўся пра развіццё Саксоніі, і Рэч Паспалітую падпарадкоўваў гэтым мэтам.

1781 год. Рускім Сенатам зацверджаны новы герб Магілёва «яздзец на кані ў чырвоным полі».

Магілёў вярнуў сабе герб з элементам былога дзяржаўнага герба «Пагоня».

Па першым падзеле Рэчы Паспалітай, у 1772-1781 гадах, выява «Пагоні» на гарадскім гербе расійскай уладаю была замененая двухгаловым арлом.

1859 год. Нарадзіўся Браніслаў Эпімах-Шыпіла.

Дзеяч беларускага нацыянальнага руху, выдавец, фалькларыст, мовазнаўца.

Валодаў больш чым 20 мовамі

Ачольваў беларускі культурны рух у Пецярбургу, прымаў удзел у стварэнні беларускага выдавецтва «Загляне сонца і ў наша аконца».

Абгрунтоўваў правы беларускага народу на самастойнае нацыянальнае развіццё.

Працаваў старшынёй камісіі Інстытуту беларускай культуры па складанні слоўніка жывой беларускай мовы.

Складальнік унікальнай рукапіснай хрэстаматыі беларускай літаратуры.

Арыштаваны савецкімі карнымі органамі ў 1930 годзе па справе «Саюза вызвалення Беларусі». Утрымліваўся ў няволі два месяцы. Вымушаны быў з’ехаць з Мінску. Асеў у Ленінградзе, дзе і памёр.

1891 год. Нарадзіўся Антон Баліцкі.

Дзяржаўны дзеяч, публіцыст.

Народны камісар асветы савецкай Беларусі, адзін з актыўных дзеячаў палітыкі беларусізацыі.

Удзельнічаў у распрацоўцы і стварэнні сістэмы сярэдняй і вышэйшай адукацыі.

Аўтар артыкулаў па пытаннях нацыянальнай і культурнай палітыкі.

Правадзейны сябра Інстытуту беларускай культуры, старшыня секцыі беларускай мовы і літаратуры.

Двойчы арыштоўваўся савецкімі карнымі органамі. Расстраляны ў 1937 годзе.

1938 год. Нарадзіўся Віктар Дашук.

Кінарэжысёр-дакументаліст.

Паводле яго сцэнарыяў, знята больш 80 твораў, у тым ліку «Василь Быков. Восхождение», «Витебское дело», забароненых у Беларусі «Ночь длинных ножей», «Репортаж из клетки для кроликов».

Зняў фільмы паводле твораў Алеся Адамовіча «Я з вогненнай вёскі» і Святланы Алексіевіч «У войны не женское лицо».

1967 год. Святкавалі 700-годдзе Магілёва.

Адзначалі два дні – 16 і 17 верасня.

У горадзе з’явіўся сквер 700-годдзя Магілёва перад кінатэатрам «Космас».

1999 год. Знікненне апазіцыйнага палітыка Віктара Ганчара і прадпрымальніка Анатоля Красоўскага.

На меркаваным месцы знікнення былі знойдзеныя аскепкі шкла аўтамабіля Красоўскага і кроў зніклых.

У студзені 2003 года пракуратура Мінска прыпыніла расследаванне крымінальнай справы па факце знікнення Ганчара і Красоўскага.

У снежні 2019 года Deutsche Welle выпусціла дакументальны фільм, у якім былы супрацоўнік спецпадраздзялення МУС Беларусі Юрый Гараўскі кажа, што менавіта яго падраздзяленне арыштавала, вывезла і забіла Захаранку, а пазней Ганчара і Красоўскага.

2010 год. У Бабруйску пачалося аднаўленне Аляксандра-Неўскага сабора

Сабор быў пабудаваны ў пачатку дзевятнаццатага стагоддзя пад кіраўніцтвам вядомага расійскага архітэктара Аляксандра Штаўберта. Ён з’яўляўся часткай адзінага архітэктурнага ансамбля Бабруйскай крэпасці.

У 1934 годзе Аляксандра-Неўскі сабор быў падарваны.

У 2010 годзе пачалася яго адбудова.

The post Дзень у гісторыі: 16 верасня. Новы герб Магілёва – “яздзец на кані”. Знікненне Віктара Ганчара і Анатоля Красоўскага appeared first on Магілёў.media.

Са студзеня па красавік 2026 года клічаўлянка рэгулярна хадзіла ў адзін з магазінаў буйной гандлёвай сеткі. Але за частку прадуктаў харчавання, бытавой хіміі, сродкаў гігіены і іншых тавараў яна не плаціла альбо знаходзіла спосаб заплаціць менш.

Схем было некалькі. У адных выпадках жанчына сканавала тавары і атрымлівала папярэдні чэк, але да аплаты ў касіра справа ўжо не даходзіла. У другіх – пры ўзважванні выбірала ў сістэме больш танны тавар, чым той, які насамрэч збіралася набыць.

Усё “зламалася” 6 красавіка. Жанчына паспрабавала такім жа чынам вынесці тавараў больш чым на 50 руб., але на выхадзе з гандлёвай залы яе спыніў ахоўнік.

Пасля падлікаў высветлілася, што за некалькі месяцаў пакупніца паспела бясплатна вынесці з магазіна тавараў больш як на 770 руб. З улікам апошняй няўдалай спробы агульны кошт таго, што яна спрабавала скрасці, склаў каля 830 руб.

Справа дайшла да суда. Там жанчына цалкам прызнала віну і добраахвотна кампенсавала нанесеную шкоду. Клічаўскі райсуд улічыў яе раскаянне, кампенсацыю шкоды, а таксама тое, што жанчына выхоўвае траіх малалетніх дзяцей. У выніку шматдзетнай зладзейцы прызначылі год пазбаўлення волі, але з гадавой адтэрміноўкай. Калі за гэты час яна не здзейсніць новага злачынства і будзе выконваць ускладзеныя судом абавязкі, у калонію ёй ісці не давядзецца.

Прысуд пакуль у законную сілу не ўступіў.

Фотаздымак з адкрытых крыніц

The post Жыхарка Клічава праз розныя хітрыкі чатыры месяцы крала ў магазіне тавары appeared first on Магілёў.media.

Паводле гарадской пракуратуры, у 2025 годзе на тэрыторыі горада адбылося 117 дарожна-транспартных здарэнняў, у выніку якіх загінуў адзін чалавек і 137 атрымалі цялесныя пашкоджанні рознай ступені цяжкасці. У першым паўгоддзі 2026 года дарожна-транспартная абстаноўка ўскладнілася – у выніку 51 аварый загінулі чатыры чалавекі і 50 атрымалі траўмы. 

Акрамя таго што на аварыйнасць уплываюць, у прыватнасці, чалавечы фактар і паводзіны ўдзельнікаў дарожнага руху, не апошню ролю адыгрывае і стан дарог. Паводле пракурораў, дрэнны стан дарожнага пакрыцця нярэдка з’яўляецца спадарожным фактарам пры аўтааварыях.

Так, у лютым 2026 года кіроўца аўтамабіля «Фольксваген» здзейсніў сутыкненне са спадарожным транспартным сродкам. У выніку ў яго была праламана грудзіна. Паводле інфармацыі ДАІ спадарожнай прычынай ДТЗ з’явіліся дэфекты дарожнага пакрыцця, а дакладней, выбоіны на праезнай частцы. 

За першае паўгоддзе 2026 года супрацоўнікі ДАІ па фактах непрыняцця мер па ўтрыманні дарог у адрас эксплуатуючых арганізацый вынеслі 38 прадпісанняў, 13 з якіх належным чынам не выкананы.

Нараканні з боку пракуратуры выклікала і дзейнасць камісіі па бяспецы дарожнага руху, якой не заўсёды вызначаюцца найбольш праблемныя пытанні ў сферы бяспекі дарожнага руху, канкрэтныя меры па ліквідацыі іх прычын і ўмоў. У Магілёўскі гарвыканкам унесена адпаведнае пракурорскае прадпісанне.

Фотаздымак: ДАІ

The post У Магілёве шматкроць вырасла смяротнасць у аўтааварыях appeared first on Магілёў.media.

“Для чаго гэтая інфармацыя нашаму настаўніку??? У малодшай дачкі такіх пытанняў не было, адна і тая ж школа. PS. натуральна я нават не збіралася ўказваць колькі я зарабляю”, – напісала ў Трэдс жыхарка Магілёва пад нікам belohvostova_a, дадаўшы здымак часткі анкеты.

Карыстальнікі вельмі жыва адгукнуліся на такое паведамленне. Некаторыя сталі жартаваць, маўляў, гэта для таго, кабб ведаць, колькі збіраць на шторы. Хтосьці прапанаваў накіраваць скаргу ў пракуратуру, а іншыя напісалі, што ў іншых школах такога няма. Нехта параіў проста не адказваць на гэтае пытанне.

“Бачачы такія анкеты, вельмі хочацца спачатку прачытаць анкеты настаўнікаў і школьнай адміністрацыі і зразумець, чым і як яны жывуць, ці вартыя навучаць і выхоўваць нашых дзяцей, колькі зарабляюць, з кім пражываюць, чым займаюць у вольны ад працы час, якія маюць хобі і захапленні і ды т. п.” – выказала сваё меркаванне alena_sh1982.

“Скажу як настаўнік, вы можаце не пісаць суму да капейкі. Словы “высокі”, “сярэдні”, “нізкі” проста існуюць. Адносна заробку бацькоў, дзіцяці могуць даваць розныя плюшкі, калі заробак нізкі, магчымыя кампенсацыі за абед, дапамогу ў канцылярыі (могуць падарыць) і наогул шмат усяго. Так што настаўнікаў ворагамі хопіць выстаўляць”, – паспрабаваў абараніць настаўнікаў amenicxss.

На гэта яму рэзонна адказвае mandarinenbaum.pino: “І як даюць гэтыя плюшкі? Напішаш “нізкі даход” і дадуць, ці ўсё ж такі даведка аб даходах патрэбна? Ацэньваць даход можна па рознаму, адна і тая ж сума камусьці высокі даход, а камусьці нізкі. Калі пакладзены ільготы, то пісаць трэба – тыя, у каго даход менш такой сумы, для атрымання ільготных абедаў прынясіце такую даведку і ўсё”.

“У гэтай анкеце не пазначана ні падстава збору дадзеных, ні іх далейшы кірунак апрацоўкі і захоўвання. Тэрмін захоўвання таксама не пазначаны. Такія анкеты запаўняць нельга”, – у сваю чаргу катэгарычна заяўляе 5boomfly. 

Агулам на пост адгукнулі ў каментарах каля 200 чалавек.

Фотаздымак: Трэдс belohvostova_a

The post Магіляўчанка абурылася пытанню аб заробках у школьнай анкеце appeared first on Магілёў.media.

Гісторыя пачалася з візіту да сястры. Мужчына прыехаў да яе ў госці, а калі дома нікога не было, знайшоў у жаночай сумцы шкатулку з залатымі ўпрыгожваннямі, якія належалі маці. Яна за два гады да гэтага аддала ўпрыгожванні дачцэ на захоўванне. 

У кастрычніку мінулага года сястра мужчыны заўважыла, што золата знікла, і паведаміла пра гэта маці. Жанчына расказала пра прапажу сыну. Той, ужо ведаючы, куды падзеліся ўпрыгожванні, сваю датычнасць да крадзяжу адмаўляў.

Праўда адкрылася прыкладна праз месяц. Маці стала вядома, што сын прадае залатыя вырабы, і звярнулася ў міліцыю. Там мужчына ўжо прызнаўся ў крадзяжы. Агульны кошт скрадзенага перавысіў 13,8 тыс. рублёў. 

Праўда, да выкрыцця мужчына паспеў прадаць пячатку і два заручальныя пярсцёнкі, а атрыманыя грошы патраціць на сябе. Астатнія ўпрыгожванні пасля вярнулі ўладальніцы.

У судзе падазраваны цалкам прызнаў віну. Аднак нанесеную маці матэрыяльную шкоду ён кампенсаваў не цалкам. 

Раней мужчына не быў судзімы, але не працаваў, па месцы жыхарства характарызаваўся адмоўна і злоўжываў алкаголем. Экспертыза выявіла ў яго хранічны алкагалізм. У выніку суд Бабруйскага раёна і Бабруйска асудзіў абвінавачанага за крадзеж у буйным памеры на тры гады калоніі ўзмоцненага рэжыму. Акрамя таго,  ён павінен выплаціць маці 8540 руб. 66 кап. у якасці кампенсацыі матэрыяльнай шкоды. Таксама яму прызначана прымусовае лячэнне ад хранічнага алкагалізма.

Фотаздымак з адкрытых крыніц

The post Сын скраў залатыя вырабы ў маці – суд у Бабруйску даў тры гады калоніі appeared first on Магілёў.media.