Восем гадоў зняволення прысудзіў суд у Чэрыкаве непаўналетняй магіляўчанцы па абвінавачванні ў незаконным абароце наркотыкаў.
Суд праходзіў за зачыненымі дзвярыма. Падрабязнасцяў справы ў інфармацыі з Вярхоўнага суда няма. Вядома, што дзяўчыну асудзілі па ч. 4 арт. 328 Крымінальнага кодэксу. Яна прызнана вінаватай у незаконных з мэтай збыту набыцці, захоўванні, перавозцы, незаконным збыце псіхатропных рэчываў, у дачыненні да псіхатропных рэчываў у буйным памеры, у дачыненні да асабліва небяспечных псіхатропных рэчываў, учыненых арганізаванай групай.
Варта адзначыць, што чацвертая частка данага артыкула прадугледжвае пакаранне ў выглядзе зняволення ад васьмі да 20 гадоў са штрафам альбо без яго. Школьніца пачне адбываць свой тэрмін у выхаваўчай калоніі.
Прысуд пакуль не ўступіў у законную сілу.
Фотаздымак з адкрытых крыніц