Калі б не ўмяшанне Камітэта дзяржкантроля, заяўкі грамадзян на выпраўленне камунальных праблем у Крычаўскім раёне дагэтуль не былі б выкананыя.
Тры месяцы спатрэбілася крычаўскім камунальнікам на замену няспраўнага газавага катла ў арэндным жыллі ў аграгарадку Бель-1. Уладальніца жылля звярнулася ва УКПП “Камунальнік” яшчэ ў чэрвені гэтага года з просьбай замяніць непрацуючае абсталяванне, паведамляе КДК Беларусі. Тры месяцы заява ляжала на сталах камунальных чыноўнікаў, пакуль яны нібыта ніяк не маглі ўзгадніць з аблвыканкамам пытанне фінансавання замены няспраўнага катла.
Калі да крычаўскіх камунальнікаў прыйшоў КДК з чарговай праверкай, ён выявіў факт такой валакіты і толькі тады работнікі “Камунальніка” хуценька падрыхтавалі пакет дакументаў у аблвыканкам, і новы кацёл был пастаўлены да пачатку ацяпляльнага сезона.
Таксама КДК выявіў, што камунальнікі праігнаравалі заяву жыхара Крычава, які прасіў ліквідаваць шчыліны на фасадзе дома, што засталіся пасля рамонта. Таксама пасля таго рамонту парушылася цеплаізаляцыя дома. Камунальнікі толькі далі адпіску, што нібыта ўсё ў парадку. І толькі пасля ўмяшання Дзяржкантроля паслярамонтныя недахопы былі ліквідаваныя.
У выніку такой працы пяцёра службовых асоб “Камунальніка” былі прыцягнутыя да адміністрацыйнай адказнасці.
Фотаздымак: krichev-jkh.by