Пажарныя ліквідавалі агонь у цаху завода “Электрарухавік”, дзе вечарам 2 чэрвеня адбылося ўзгаранне.
Згодна паведамленню МНС, пажар узнік на заводзе па вуліцы Каралёва, пры гэтым назва завода не паведамлялася. У той жа час на гэтай вуліцы знаходзіцца толькі адзін завод – “Электрарухавік”, які з’яўляецца філіялам “Магілёўліфтмаша”.
Задымленне было выяўлена ў вентыляцыйным корабе аднаго з цэхаў. На момант узнікнення пажару цэх працаваў, унутры знаходзіўся адзін чалавек. Мужчына самастойна пакінуў будынак.
Узгаранне было аператыўна ліквідавана. Пацярпелых няма. У выніку пажару пашкоджана сістэма мясцовай вентыляцыі. Прычына здарэння высвятляецца.
Скрыншот mogilev.mchs.gov.by