Дыппрадстаўніцтвы Расіі цяпер будуць у кожным абласным горадзе Беларусі.
“Упэўнены, што адкрыццё на тэрыторыі горада аддзялення пасольства Расійскай Федэрацыі дазволіць яшчэ мацней умацаваць нашы ўзаемаадносіны!” – адзначыў старшыня Магілёўскага гарвыканкама Сяргей Чарткоў на сустрэчы з дарадцам-пасланнікам амбасады Расіі ў Беларусі Уладзімірам Ваньке. Дзе будзе месціцца гэтае аддзяленне, пакуль яшчэ не вызначана.
Магілёўскі граданачальнік таксама пахваліўся тым, што ў Магілёва ўстаноўлены сяброўскія адносіны з 25 гарадамі Расіі, а за 2025 год тавараабарот з расійскімі рэгіёнамі амаль наблізіўся да адзнакі ў 100 млрд расійскіх рублёў.
Расійскі госць у сваю чаргу заявіў, што ў Расіі прыйшлі “да разумення, што ў кожным абласным цэнтры павінны быць нашы прадстаўніцтвы”. Так, акрамя амбасады ў Мінску, ёсць генеральныя консульствы ў Брэсце і Гродна. Падобныя да аддзялення ў Магілёве будут адкрытыя прадстаўніцтвы ў Віцебску і Гомелі.
Фотаздымак: mogilev.gov.by