26-гадовы малады чалавек з Бабруйску, які працуе ў сталіцы, паведаміў інспектару службы бяспекі ў метро, што мае пры сабе бомбу. Гэта аказалася глупым жартам.
Малады чалавек з другой групай інваліднасці падзарабляў у Мінску кур’ерам. Да вечара ў яго засталася апошняя замова, пасля дастаўкі якой ён планаваў з’ехаць на цягніку дадому. Калі малады чалавек спусціўся ў вестыбюль станцыі метро «Няміга», да яго звярнуўся інспектар службы бяспекі, папрасіўшы прайсці ў зону надгляду і пакласці тэрмакораб на стол для праверкі. Фігурант не пярэчыў, але чамусьці зрабіў заўвагу работніку метрапалітэна, што той без медыцынскай маскі, а пасля двойчы сказаў: “У мяне бомба!”.
У выніку малады чалавек быў затрыманы і на яго была выклікана міліцыя, а потым распачатая крымінальная справа. “Яму выстаўленае абвінавачванне ў загадзя ілжывым паведамленні аб падрыхтоўцы выбуху, які стварае небяспеку для жыцця і здароўя людзей, гэта значыць ва ўчыненні злачынства, прадугледжанага ч.1 арт. 340 КК, санкцыя якой – аж да пяці гадоў пазбаўлення волі. Грамадзянін цалкам прызнаў сваю віну, у зробленым раскаяўся”, – цытуе намесніка пракурора Цэнтральнага раёна Мінска Віктара Шубіча агенцтва «Менск Навіны».
У дачыненні да гора-жартаўніка ўжытая мера стрымання ў выглядзе падпіскі аб нявыездзе і належных паводзінах.
Фотаздымак: Яндэкс-карты