18 жніўня у Горках, паблізу дома № 67 па вуліцы Чыгуначнай, 59-гадовы вадзіцель аўтакрана МАЗ на закругленні дарогі ўправа выехаў на сустрэчную паласу і сутыкнуўся з Volkswagen. Абедзве машыны з’ехалі ў кювет, кран перакуліўся на легкавы аўтамабіль. У бальніцу з траўмамі адвезлі таго, хто быў за рулём Volkswagen, – яму таксама 59 гадоў.
Момант аварыі трапіў на відэа, якое выклала Дзяржаўтаінспекцыя. На здымках з месца у легкавушкі змяты дах і выбіта лабавое шкло.
Гэта другое ДТЗ з пацярпелымі ў раёне за двое сутак. Днём 17 жніўня на аўтадарозе Р-123 «Масток-Дрыбін-Горкі» 34-гадовы вадзіцель трактара МТЗ з паўпрычэпам пры павароце налева не прапусціў матацыкл, які рухаўся насустрач.
У бальніцу даставілі 62-гадовага матацыкліста і яго 54-гадовую пасажырку.
Схема ў абедзвюх зводках адна: манеўр пачынала цяжкая машына – кран і трактар з паўпрычэпам, – а ў бальніцу ехалі тыя, хто ў гэты момант рухаўся насустрач на легкавым транспарце. Ні кранаўшчык, ні трактарыст сярод пацярпелых не значацца.
Фота “Міліцыя Магілёўшчыны”.
