Памяшканне ў гістарычным будынку ў цэнтры Магілёва, дзе 20 гадоў быў салон прыгажосці “Дольчэ Віта”, шукае новага ўладальніка.
Як адзначаецца ў Інстаграме салона, які перастаў працаваць з верасня 2025 года, плошча памяшкання ў будынку па вуліцы Першамайскай 13 каля 111 м.кв.
“Аб’ект цікавы не толькі сваёй лакацыяй і архітэктурай, але і магчымасцю пашырэння да цэлага будынка з унутраным дваром” – гаворыцца ў абвестцы. Пад “пашырэннем да цэлага будынка” маецца на ўвазе выкуп другога паверха і ўнутраных прыбудоў.
Прадавец лічыць, што памяшканне ідэальна пасуе пад салон, клініку, прадстаўніцтва, медыцынскі цэнтр, гастранамічны праект, буцік, аб’ект пад здачу ў арэнду.
Цяперашнія ўладальнікі памяшкання спадзяюцца, што “гэта месца з багатай гісторыяй трапіць ў прыстойныя рукі і атрымае новае жыццё”.
Прычыны, па якіх закрыўся салон, не паведамляюцца.
Фотаздымак: Інстаграм “Дольчэ Віта”