У Магілёве прадаецца вежа на даху гістарычнай «сталінкі» – невялікая, але з панарамным відам на горад.
За ўнікальнае памяшканне на даху магілёўскага дома, размешчанага па вуліцы Першамайская, 46, просяць 52 тысячы долараў.
Вежа-бельведэр уяўляе сабой пакой плошчай 15 квадратных метраў, з васьмю сценамі і 24 вокнамі ва ўсе бакі. Вышыня столі – 5,6 метра.
Сам будынак – жылы дом 1954 года пабудовы. Ён з’яўляецца яскравым прыкладам пасляваеннай савецкай неакласікі.
Дом знаходзіцца каля Мінскага рынку і сабора Трох Свяціцеляў. У ім у свой час жыў вядомы акцёр і рэжысёр Валянцін Ермаловіч.
Кампанія “Savmet”, што прадае бельведэр, прапануе будучым уладальнікам і ідэі адносна таго, як можна выкарыстоўваць вежку. У ёй можна ўладкаваць вінны бар, стыльную майстэрню або гасцявы дом.
Спроба прадаць унікальнае памяшканне ўжо рабілася ў 2017 годзе, але ахвотных набыць яго не знайшлося.
Магчыма, з-за канструктыўных складанасцяў – кватэра з бельведэрам падзелена на тры ўзроўні. На самы верхні, непасрэдна ў вежу, трэба падымацца па стромкай металічнай лесвіцы і пралазіць праз люк у столі.
Цяпер прадаўцы, акрамя бельведэра, прапануюць яшчэ і камплект дызайнерскіх рашэнняў, відавочна згенераваных штучным інтэлектам.
Фото за адкрытых крыніц.