У Магілёўскім інстытуце МУС прайшлі заняткі, дзе навучэнцаў СШ №15 апраналі ў амуніцыю АМАПу, прызначаную для разгону масавых акцый.
Як паведамляецца на сайце інстытута, гэта былі заняткі па тэме “Асноўныя паняцці асабістай бяспекі” для т. зв. Прававой групы з вышэйзгаданай школы. Падчас “практычнай часткі” школьнікі апраналіся ў шлемы, бронекамізэлькі, бралі ў рукі шчыты і дубінкі – ўсё тое, што звычайна выкарыстоўваюцца пры разгоне пратэстаў. Навучанне адбывалася пад кіраўніцтвам старэйшага выкладчыка кафедры службова-прыкладной падрыхтоўкі, падпалкоўніка міліцыі Леаніда Яўсеева.Пры гэтым варта адзначыць, што адбывалася такое навучанне пад час восеньскіх канікул.
Фотаздымак: Магілёўскі інстытут МУС