У наваколлях аграгарадка Ліпень Асіповіцкага раёна быў заўважаны мядзведзь.
Пра тое, што паблізу Ліпеня быў заўважаны крывалапы лясны жыхар, паведаміў Асіповіцкі вопытны лясгас. Навіна імгненна завірусілася ў інтэрнэце. Грамадзян заклікалі праяўляць максімальную асцярожнасць.
Спецыялісты лясной галіны папярэджваюць, што пры сустрэчы з мядзведзем у лесе галоўнае правіла – нельга ўцякаць, а трэба паспрабаваць павялічыць свой “аб’ём” – напрыклад, падняць куртку або заплечнік уверх на выцягнутых руках.
Таксама раяць не выходзіць у адзіночку на ўскраіны палёў і ў лясныя масівы, пазбягаць участкаў з высокай травой, таксама пры выпадковай сустрэчы не спрабаваць наблізіцца да звера або сфатаграфаваць яго – трэба павольна сыходзіць, не паварочваючыся спіной да мядзведзя.
Фотаздымак: Асіповіцкі вопытны лясгас