На 32-м кіламетры дарогі Р-91 «Асіповічы-Баранавічы» 63-гадовы кіроўца Lada на закругленні ўправа выехаў на сустрэчную паласу і сутыкнуўся з МАЗам. Кіроўца легкавога аўтамабіля загінуў на месцы, дзве яго пасажыркі ў бальніцы. Прычыны высвятляюцца.
Дзевятнаццаццю днямі раней, 24 ліпеня, на 12-м кіламетры гэтай жа дарогі перакуліўся вайсковы грузавік: 20-гадовы кіроўца МАЗа не справіўся з кіраваннем на закругленні. Двое пасажыраў, якія знаходзіліся ў кузаве, 21 і 26 гадоў, загінулі на месцы, яшчэ пятнаццаць чалавек адвезлі ў бальніцу.
Тры тыдні, трое загінулых. У абедзвюх зводках паўтараецца адно і тое ж слова – закругленне. Усё гэта на адной дарозе .
Фота “Міліцыя Магілёўшчыны”.