У лясах Бабруйскага раёна збіраюць залацісты баравік. Першай кошык такіх грыбоў на пачатку верасня паказала ў інстаграме дасведчаная грыбніца, а ў мінулыя выхадныя некалькі асобнікаў выклала ў групе «Грибные войска» яшчэ адна аматарка ціхага палявання.
Паводле слоў грыбнікоў, раней у Магілёўскай вобласці гэты грыб не знаходзілі. Родам залацісты баравік з Паўночнай Амерыкі. У 1980-х яго выпадкова завезлі з саджанцамі на Куршскую касу ў Літве, адтуль ён распаўсюдзіўся па Польшчы, Украіне і Беларусі.
У Беларусі яго ўпершыню дакументальна пацвердзілі ў 2018 годзе ў Маларыцкім раёне Брэсцкай вобласці, а масава ён пачаў з’яўляцца ў апошнія пяць гадоў.
Грыбнікі ацэньваюць хуткасць, з якой грыб прасоўваецца па краіне, прыкладна ў 200 кіламетраў за год .
Госць ядомы і належыць да першай катэгорыі. Чарвівым бывае рэдка, расце нават у засушлівае надвор’е, пры варцы захоўвае светла-жоўты колер і крыху саладкаваты на смак.
Густы, праўда, у грыбнікоў разыходзяцца. У грыбных чатах за замежнае паходжанне яго празвалі «натаўскім» . Натаўскі грыб дайшоў да Бабруйска, і бабруйскія грыбнікі сустракаюць яго з кошыкам.
Фота з адкрытых крыніц.