Аблегчаныя патрабаванні заказчыка да выбару будаўнічай арганізацыі сталі прычынай адмены дзяржзакупкі Горацкай пракуратурай.
Адна з устаноў Горацкага раёна збіралася знайсці падрадчыка пад будаўніцтва аб’екта для патрэб лясной гаспадаркі. На гэтыя мэты планавалася патраціць больш за 117 тыс. рублёў бюджэтных грошай. Патэнцыйнага выканаўцу вырашылі выбраць праз запыт цэнавых прапаноў. Аднак падчас маніторынгу электроннай гандлёвай пляцоўкі пракуратура заўважыла, што патрабаванні да будучага будаўніка аказаліся прасцейшымі, чым прадугледжвае заканадаўства.
У дакументах закупкі заказчык не прапiсаў шэраг абавязковых дадатковых умоў для ўдзельнікаў. У прыватнасці, ад прэтэндэнтаў не патрабавалася пацвярджаць, што яны здольныя ўласнымі сіламі выканаць работы як мінімум на палову іх кошту. Не было і патрабавання мець больш як трохгадовы досвед выканання супастаўных па кошце работ.
Такім чынам, на будаўніцтва за бюджэтныя 117 тыс. рублёў тэарэтычна магла прэтэндаваць арганізацыя, ад якой заказчык нават не патрабаваў пацвердзіць неабходны досвед і здольнасць самастойна выканаць значную частку замовы.
Пракуратура палічыла, што такія ўмовы маглі парушыць правы ўдзельнікаў закупкі і прывесці да неабгрунтаванага расходавання бюджэтных сродкаў, і намеснік пракурора Горацкага раёна запатрабаваў ад кіраўніка ўстановы спыніць працэдуру закупкі.
Фотаздымак з адкрытых крыніц