Уладальнік рытуальнага агенцтва з Глуска дапамагае добраўпарадкоўваць мясцовыя могілкі. Грошай за гэта не бярэ.
Гаспадар глускага рытуальнага агенцтва “Мемарыял-2” нядаўна па ўласнай ініцыятыве ўсталяваў новыя вароты на могілках у вёсцы Хвастовічы.
Старшыня мясцовага сельвыканкама кажа, што гэта не першы выпадак, калі ўладальнік пахавальнага бюро звяртае ўвагу на праблемы, што датычацца яго сферы дзейнасці, і бязвыплатна іх вырашае.
Так было з перазахаваннем на Мыслачанскай гары астанкаў дзяцей, загінулых у гады Вялікай Айчыннай вайны і ўсталяваннем новай агароджы могілак у вёсцы Карніца.
На тэрыторыі іншага сельсавета, на месцы спаленай вёскі Восы-Калёсы, мецэнат вырабіў і ўсталяваў памятную пліту.
Што тут скажаш? Свет не без добрых людзей.
Фота раённай газеты “Радзіма”.