На 32% вырас падзёж жывёлы ў Краснапольскім раёне ў 2025 годзе, што прыцягнула ўвагу пракуратуры.
На пасяджэнне Краснапольскага райвыканкама, дзе абмяркоўвалі праблемы ў жывёлагадоўлі раёна прыехаў першы намеснік пракурора Магілёўскай вобласці Андрэй Клышэвіч. Нагода была важкая – на Краснапольшчыне не толькі на траціну вырас падзёж жывёлы, дык яшчэ і нормы тэхналагічных страт перавышаныя, больш чым у 3 разы.
Як належыць “высокаму” госцю, Клышэвіч паругаў мясцовых начальнікаў за такія нядобрыя паказчыкі і “акцэнтаваў увагу кіраўніцтва раёна і работнікаў упраўлення па сельскай гаспадарцы і харчаванні на неабходнасці прыняцця неадкладных мер па ліквідацыі фактараў, якія спрыяюць падзёжу жывёлы: парушэннях тэхналагічных патрабаванняў да кармлення, зместу, вакцынацыі і лячэнню жывёл, а таксама выкарыстанне кармоў нізкай якасці, незбалансаванасць рацыёнаў кармлення”.
Такія ж самыя дзяжурныя словы былі прамоўлены іншымі абласнымі пракурорскімі работнікамі, якія прыязджалі па тых жа праблемах у Клічаве, Бабруйску, Клімавічах, а таксама ў Магілёўскім райвыканкаме.
Фотаздымак з адкрытых крыніц