У рукі праваахоўнікаў трапіў супрацоўнік Дзяржпрамнагляду, які за хабар падпісваў дакументы аб прыёмцы аб’ектаў у эксплуатацыю.
Паводле пракуратуры, хабар 49-гадовы супрацоўнік Магілёўскага абласнога ўпраўлення Дэпартамента па наглядзе за бяспечным вядзеннем работ у прамысловасці сістэматычна атрымліваў з кастрычніка 2023 па жнівень 2025 года. Так, напрыклад, за падпісанне для камерцыйнай структыры прыёмкі газавага абсталявання ён шэсць разоў атрымліваў па 5 тыс. рублёў хабару.
Затрымалі хабарніка, калі ён атрымаў 1800 рублёў незаконнага ўзнагароджання. Цяпер мужчына знаходзіцца пад вартай, а яго справа накіравана ў суд.
Фотаздымак: Генеральная пракуратура