Бульбы няма альбо яна дробненькая. Такі стан рэчаў не спадабаўся правяраючым у некаторых магілёўскіх магазінах.
Правяраючыя з міністэрства антыманапольнага рэгулявання і гандлю разам з прадстаўнікамі Дзяржстандарту прыйшлі ў магазін “Марцін”. І там яны знайшлі парушэнне ажно самога ГОСТа – дыяметр бульбы скадаў каля 35 мм. Згодна стандарту, 35 мм – гэта найменшы памер квадратных адтулін, праз якія не павінны праходзіць клубні позняй бульбы. А да таго ж у “Марціне” не было ў продажы белакачаннай капусты.
Візіт у магазін «Pro Запас» Магілёўскага райпа таксама выявіў праблему – бульба нават дробная там адсутнічала. Абодвум магазінам накіраваны рэкамендацыі для ліквідацыі парушэнняў.
Фотаздымак з адкрытых крыніц