На Магілёўшчыне за першае паўгоддзе 2026 года пракуратура адмяніла 52 дзяржзакупкі на суму больш за 6 млн рублёў.
Акрамя дзяржаўных закупак, былі адменены і шэсць закупак за кошт уласных сродкаў арганізацый на суму звыш 5 млн рублёў.
Найбольшая колькасць адмененых закупак была ў адукацыі, ахове здароўя, жыллёва-камунальнай гаспадарцы, а таксама ў АПК.
Так, у Горацкім раёне быў устаноўлены факт неабгрунтаванага расходавання дзяржаўнай арганізацыяй грашовых сродкаў, выдзеленых з бюджэту на набыццё і ўстаноўку ў малочна-таварным комплексе новага даільнага абсталявання. Да ўдзелу ў працэдуры закупкі дапушчана прыватная арганізацыя, чыя прапанова не адпавядала тэхнічнаму заданню, паколькі прадугледжвала рамонт былога ва ўжыванні даільнага абсталявання, а не яго замену.
Па патрабаванні пракурора Горацкага раёна ўрон у памеры 1 тыс. рублёў, што меў месца з-за неабгрунтаванага расходавання дзяржаўнай арганізацыяй, пакрыты вінаватым работнікам.
У цэлым распаўсюджаныя парушэнні пры закупках: непрад’яўленне абавязковых патрабаванняў да ўдзельнікаў працэдуры закупак; няправільны выбар віду працэдуры закупкі і неабгрунтаванае прад’яўленне патрабаванняў да ўдзельнікаў тэндараў.
Усім вінаватым у парушэннях пры закупках за першыя шэсць месяцаў пракуратура выносіла папярэджанне.
Фотаздымак: Генеральная пракуратура