У чарговы раз выстаўлены на аўкцыён гатэль “Вішнёвы сад” пад Бабруйскам, прычым заўважна падаражэўшы.
Гатэль увосень 2025 года спрабавалі прадаць з аўкцыёна трэці раз. Ахвотных яго купіць не знайшлося, нягледзячы на тое, што цана была зніжана з ранейшых 5,253 млн рублёў да 4,202 млн рублёў.
І вось цяпер, праз амаль год, “Вішнёвы сад” зноў прадаюць. Цікава, што цану на яго гэтым разам вырашылі не знізіць, а наадварот узняць, а дакладней вярнуць на ранейшыя 5,253 млн рублёў. Аб гэтым сведчыць інфармацыя на пляцоўцы “ІПМ-таргі”. Новы аўкцыён намечаны на 2 верасня 2026 года ў Мінску.
Варта адзначыць, што гатэль дзеючы і выглядае даволі фешэнебельна. Ён размешчаны на беразе Бярэзіны ў лясным масіве, ёсць аквазона, бар, рэстаран, банкетная зала і нават кінатэатр, а нумары каштуюць ад 250 да 400 рублёў за суткі. Праўда, інфармацыі аб запаўняльнасці нумароў няма ў адкрытым доступе.
Акрамя таго, у гэтага месца добрая гісторыя. Раней там знаходзіўся маёнтак заснавальніка беларускай драматургіі Вінцэнта Дуніна-Марцінкевіча. Плошча ўсёй тэрыторыі – каля пяці гектараў.
Першыя таргі па гатэлю прайшлі ў жніўні 2025 года.
Фотаздымак: ІПМ-таргі