Суд Кіраўскага раёна разгледзеў крымінальную справу работніка сельгаспрадпрыемства, які з чэрвеня па ліпень 2026 года неаднаразова краў камбікорм са склада наймальніка. Схема была ўладкавана так:
- на складзе ён завышаў звесткі пра тое, колькі корму патрэбна жывёле;
- у дадатак употай браў корм уласнага памолу гаспадаркі;
- складаваў здабытае ў невыкарыстоўваемым цялятніку;
- адтуль вывозіў дадому на электравеласіпедзе;
- частку скормліваў сваёй жывёле, частку прадаваў знаёмым.
У ліпені, калі справу толькі распачалі, міліцыя паведамляла, што жывёлаводу 44 гады і што пры аглядзе яго дома канфіскавалі больш за пяцьсот кілаграмаў кармавых сумесяў.
Абодва месяцы, чэрвень і ліпень, прыйшліся на кампанію па захаванасці маёмасці ў гаспадарках.
Па раёнах вобласці ў гэты час ездзілі мабільныя групы з прадстаўнікоў Камітэта дзяржкантролю, пракуратуры, УУС аблвыканкама і аблсельгасхарчу, якія правяралі ў тым ліку склады і збожжатокі.
Кіраўскі раён лічыўся пры гэтым сярод выдатнікаў: на 30 ліпеня ён уваходзіў у тройку лідараў вобласці па ўраджайнасці з паказчыкам 43,3 цэнтнера з гектара пры сярэднім па вобласці 29,4.
Паўтоны камбікорму на багажніку веласіпеда за адзін раз не вывезеш. Значыць, месяц запар чалавек ездзіў са склада дадому патроху і рэгулярна.
Як казаў паэт , “мимо ристалищ, капищ, мимо храмов и баров”, міма канторы, міма цялятніка, міма ўсіх, хто ў тыя ж тыдні даваў справаздачы аб захаванасці гаспадарскага дабра.
Фота “Міліцыя Магілёўшчыны”.