Жыхарам верхніх паверхаў дома №47 па вул. Касманаўтаў паведамілі, што ў сувязі з рамонтам даху ім прапануюць перасяліцца ў іншае месца.
“У сувяўі з капітальным рамонтам дома будзе адбывацца адсяленне 4-ых і 5-ых паверхаў. Пераканаўчая просьба звязацца з ЖЭУ-13 па нумару 60-07-20”, – гаворыцца ў абвестках, распаўсюджаных па будынку.
“Вось тут нават не ведаю як рэагаваць!!! У дзвярах, у замочных свідравінах тырчаць запіскі… Куды ехаць падкажыце, што за трызненне???” – адрэагавала ў Трэдс на такое паведамленне з ЖЭУ жыхарка дома пад нікам robingytka.
Пост з яе паведамленнем сабраў прыкладна 200 тыс. праглядаў. Пад ім больш за сотню каментароў. У іх частка карыстальнікаў дзівілася, навошта жыхарам кудысьці з’язджаць падчас капрамонту.
“Зеркало” высветліла ў ЖЭУ, што падчас капітальнага рамонту ў доме будуць мяняць пліты перакрыцця на верхнім паверсе, а таксама дах, таму жыхароў пятых паверхаў і просяць аб адсяленні. Выехаць на час прапануюць і людзям з чацвёртага паверха.
Калі непасрэдна пачнецца капрамонт, пакуль невядома. Таксама невядома, як доўга ён будзе працягвацца, але гэта «ад трох месяцаў». Пры гэтым у ЖЭУ сцвярджаюць, што на час работ «адселеным» людзям дадуць арэнднае жыллё. Яно можа быць як адразу з неабходнай мэбляй, так і без яе. Плаціць за арэнднае жыллё пры гэтым будзе не патрэбна, сцвярджаюць у ЖЭУ-13.
Фотаздымак: Threads @robingytka