Усё часцей на вуліцах Бабруйска можна сустрэць буслоў. Прыродаахоўнікі вінавацяць у гэтым несвядомых гараджан.
За апошнія два-тры тыдні ў мясцовую гаррайінспекцыю прыродных рэсурсаў і аховы навакольнага асяроддзя паступіла каля 10 званкоў з паведамленнем аб тым, што па горадзе гуляюць буслы.
“Гэта вельмі дрэнна для птушак, і вінаватыя ў гэтым людзі, якія іх падкормліваюць. Буслоў прыкармілі, і яны не хочуць ляцець. У прыродзе гэтыя птушкі сілкуюцца змеямі, жабамі, яшчаркамі і буйнымі казуркамі. Але калі людзі іх прыкормліваюць іншай ежай, і яе дастаткова, птушкі перастаюць сабе шукаць харчаванне самастойна. Буслы мігруюць у тым ліку з-за пошуку корму, штучная кармавая база можа збіваць іх біягадзіны”, – кажа намеснік начальніка інспекцыі часы Ігар Салановіч.
Паводле яго, зараз у Бабруйску прыкладна пяць буслоў, якія знаходзяцца на тэрыторыях санаторыя імя Леніна, стадыёна Пракапенкі, гасцініцы «Юбілейная». “Пакуль назіраем. Калі не паляцяць пры значным пахаладанні, будзем адлоўліваць і перадаваць на ўтрыманне. Пераканаўчая просьба: не корміце буслоў! Так вы не клапоціцеся пра іх, а робіце горш!” – заклікае прыродаахоўнік.
Адметна, што літаральна ў жніўні 2026 года ў Бабруйску з’явіўся новы арт-аб’ект: як сімвал сямейных каштоўнасцяў – скульптурная кампазіцыя з сямі буслоў «Сям’Я». Яе паставілі на перакрыжаванні вуліцы Мінскай і Георгіеўскага праспекта. Такая вось іронія лёсу.
Скрыншот: BGmedia