Трое трактарыстаў сельскагаспадарчай арганізацыі ў Хоцімскім раёне знайшлі спосаб зарабляць на хімічнай апрацоўцы палёў. Уносілі гербіцыды ў глебу, але менш, чым належыць паводле нормаў. Зэканомленае гаспадарцы не вярталі, а прадавалі знаёмым.
Міліцыя канфіскавала 120 літраў прэпаратаў. Шкода – больш за 1600 рублёў, распачата крымінальная справа.
Красці давялося не са склада, а проста ў полі. Гаспадарка выдала прэпарат на поўную норму, поле атрымала менш, а розніца дасталася знаёмым.