пажар Чэрыкаў

У Чэрыкаве на пажары загінулі жанчына і яе 35-гадовы сын

Прыватны дом на вуліцы Краснапольскай загарэўся днём 5 лістапада. Суседзі выклікалі ратавальнікаў у 13:41. Да прыезду падраздзяленняў МНС будынак гарэў адкрытым полымем.

У адным з пакояў ратавальнікі знайшлі загінулых – 53-гадовую жанчыну і яе 35-гадовага сына.

Пошукам перашкаджалі абваленыя канструкцыі, высокая тэмпература і шчыльнае задымленне.

Агонь знішчыў дах, пашкодзіў перакрыцці і маёмасць у доме.

Следчыя разглядаюць дзве асноўныя версіі узгарання: парушэнне правілаў эксплуатацыі пячнога ацяплення і неасцярожнае абыходжанне з агнём пры курэнні. Канчатковая прычына пакуль не ўстаноўлена.

На месцы працуюць следчыя, спецыялісты Дзяржаўнага камітэта судовых экспертыз і супрацоўнікі МНС. Яны аглядаюць дом і апытваюць відавочцаў.

Фота: скрыншот відэа Следчага камітэта Беларусі.

← Усе навіны Магілёва