Камітэт дзяржаўнага кантролю Магілёўскай вобласці выявіў парушэнні пры продажы прадуктаў у сеткавых крамах Краснаполля і Крычава.
У адной з крамаў Краснаполля правяральнікі выявілі малочныя і кулінарныя вырабы, тэрміны прыдатнасці якіх скончыліся ад адных да 18 сутак таму.
Замест таго каб прыбраць пратэрмінаваную прадукцыю з продажу, яе сабралі ў адным месцы ў цэнтры гандлёвай залы.
Больш за 50 адзінак тавараў прапаноўвалі пакупнікам са зніжкамі да 50 працэнтаў.
У гэтай жа краме прадаваліся фрукты з прыкметамі гнілі і пашкоджанай лупінай.
Па выніках праверкі няякасную прадукцыю знялі з продажу. Наймальнік пазбавіў загадчыцу крамы прэміі. Працу гандлёвага аб’екта ўзялі на асаблівы кантроль.
Фота тэлеграм-канал КДК.
