Парушэнне магілёўцам правіл бяспекі пры кіраванні маторнай лодкай прывяло да траўмавання адпачываючай жанчыны. Віноўніку пагражае да двух гадоў зняволення.
36-гадовы мужчына ў канцы чэрвеня 2026 года на вадасховішчы Рудэя ў Чавускім раёна кіраваў сваёй маторнай лодкай Fiber Line, і перавозіў на цюбінгу (ватрушцы) пасажыраў.
Праязджаючы паблізу буйкоў ўздоўж пляжу, ён з-за няўважлівасці не ўлічыў выбраную хуткасць і асаблівасць руху, а таксама габарыты кіраванага судна ў счэпцы з цюбінгам. У выніку адбылося сутыкненне ватрушкі і троса з надзіманым матрацам, на якім адпачывала 40-гадовая магіляўчанка. Жанчына атрымала адкрыты аскольчаты пералом касцей носа, сінякі і падрапанне твару.
На мужчыну была ўзбуджана крымінальная справа за парушэнне правілаў бяспекі руху або эксплуатацыі маламерных судоў, што пацягнула па неасцярожнасці прычыненне менш цяжкага цялеснага пашкоджання.
Абвінавачаны знаходзіцца пад падпіскай аб нявыездзе, а крымінальная справа накіравана ў суд.
Фотаздымак: УСК па Магілёўскай вобласці
