Жыхар Глуска атрымліваў позвы пад роспіс, але ў ваенкамат не прыходзіў.
У Глуску адбылося выязное судовае пасяджэнне па справе аб ухіленні ад прызыву на тэрміновую ваенную службу. У прысутнасці прызыўнікоў разглядалася справа 22-гадовага жыхара гарадскога пасёлка, які на працягу некалькіх месяцаў не з’яўляўся па позвах у ваенкамат.
Малады чалавек з верасня па лістапад 2024 года наўмысна не прыбыў для адпраўкі да месца службы, нягледзячы на тое што позвы былі ўручаныя яму пад роспіс. Паважлівых прычын, якія тлумачылі б такія паводзіны, суд не знайшоў.
Абвінавачаны цалкам прызнаў віну і раскаяўся ў зробленым.
Суд улічыў, што раней ён да крымінальнай адказнасці не прыцягваўся, меў пастаяннае месца жыхарства і працу.
Хлопец пакараны 360 гадзінамі грамадскіх работ.
Фота ілюстрацыйнага характару з адкрытых крыніц.