У Быхаве затрымалі п’янага кіроўцу. Пазбавіць правоў яго нельга – у мужчыны іх ніколі не было.
У Быхаве затрымалі вадзіцеля, які кіраваў аўтамабілем Volkswagen з 1,14 праміле этылавага спірту ў выдыханым паветры.
Справа нібыта звычайная – п’яны за рулём, пазбаўленне права на кіраванне аўтамабілем і іншыя санкцыі.
Аднак паглыбленая праверка паказала, што ў 43-гадовага мужчыны правоў на кіраванне аўтамабілем ніколі і не было. Ды і атрымліваць ён іх не збіраўся, бо не бачыў у корках ніякага сэнсу.
Логіка, у агульным, забойная, для ўсёй сістэмы ПДР: парушальнік аказаўся, па сутнасці, Мауглі, які выхоўваўся не ваўкамі, а ў нейкім сусвеце, дзе пануе поўная аўтамабільная анархія.
Нахабніка, вядома, пакаралі – штраф 200 базавых велічынь і пазбаўленне права атрымліваць пасведчанне кіроўцы цягам бліжэйшых пяці гадоў.
Падаецца, што другая санкцыя не спрацуе: пераканаць зацятага бяспраўніка ўжо немагчыма.
І напрыканцы яшчэ адзін немалаважны момант. Такое магло здарыцца толькі ў Быхаве, дзе да законаў цывілізаванага грамадства з халадком ставяцца не толькі звычайныя грамадзяне, але і самі ўлады.
Фота ілюстратыўнага характару з адкрытых крыніц.