Атручванне этіленгліколем стала прычынай смерці двух мужчын і жанчыны ў Быхаве напачатку жніўня гэтага года. Чацвёртага атручанага выратавалі ўрачы.
Нагадаем, трупы траіх быхаўчан – 58- і 60-гадовых мужчын і 59-гадовай жанчыны ўбачылі 6 жніўня праваахоўнікі ў прыватным доме, калі іх выклікалі туды побач пражываючыя людзі. Усе трое часцяком злоўжывалі алкаголем.
Целы, як высветлілася, убачылі ўжо прыкладна праз тыдзень пасля смерці. Праз познія змены ідэнтыфікаваць загінулых давялося па адбітках пальцаў. Падчас агляду дома следчыя знайшлі тры пластыкавыя бутэлькі з невядомай вадкасцю. Гэта адразу дало падставы разглядаць атручванне як адну з версій трагедыі. Экспертыза яе пацвердзіла.
Этыленгліколь выявілі ў крыві, мачы, мышачнай тканцы і ўнутраных органах усіх трох загінулых. У нырках знайшлі і характэрныя для такога атручвання шматлікія крышталі аксалату кальцыю. Іншых цялесных пашкоджанняў, якія маглі б стаць прычынай смерці, эксперты не выявілі. Атрутнае рэчыва знайшлося і ў адной з бутэлек, канфіскаваных у доме.
Этыленгліколь асабліва небяспечны тым, што яго водны раствор не мае ні колеру, ні паху. Трапляючы ў арганізм, рэчыва ператвараецца ў таксічныя прадукты, якія цяжка пашкоджваюць унутраныя органы, асабліва ныркі. Паводле экспертаў, атручванне магчыма ўжо пасля ўжывання каля 30 мл, а каля 100 мл могуць стаць смяротнай дозай. Звычайна ён выкарыстоўваецца пры вытворчасці антыфрызу.
Як высветлілі следчыя, у кампаніі быў і чацвёрты чалавек. Ён таксама паспрабаваў вадкасць, якую яму прадставілі як «напой хатняга прыгатавання». Яму пашанцавала больш: пасля пагаршэння самаадчування мужчына звярнуўся па медыцынскую дапамогу. Урачы паспелі яго выратаваць.
Фотаздымак: sudexpert.gov.by