Эпідэміёлагі забаранілі піць ваду з Палыкавіцкай крыніцы, што каля Магілёва.
“Пробы вады з крыніцы і купелі ў вёсцы Палыкавічы адпавядае гігіенічным нарматывам па мікрабіялагічных і не адпавядае па санітарна-хімічных паказчыках (па ўтрыманні нітратаў). У сувязі, з чым выкарыстанне дадзенай крыніцы водазабеспячэння ў пітных мэтах не дапускаецца” – гаворыцца ў паведамленні Магілёўскага занальнага цэнтра гігіены і эпідэміялогіі. Пробы вады былі адабраныя 6 студзеня 2026 года.
Тым не менш купацца ў Палыкавіцкай крыніцы можна, галоўнае, каб не нахлябацца вады. Бо, паводле медыкаў, нітраты ў пітной вадзе ўяўляюць сур’ёзную пагрозу для здароўя. Нават кіпячэнне не зніжае іх утрыманне, а толькі павялічвае іх канцэнтрацыю за кошт выпарэння вадкасці.
Фотаздымак з адкрытых крыніц