На Магілёўшчыне Дзяржкантроль знайшоў магчымасць зэканоміць больш за 80 тысяч бюджэтных рублёў на будаўніцтве памяшканняў для цялятаў – так званых прафілакторыяў.
Першапачаткова праектамі прадугледжвалася, што дахі гэтых будынкаў будуць рабіць са сталёвага прафіляванага ліста. Аднак Камітэт дзяржкантролю Магілёўскай вобласці высветліў, што замест металічнага пакрыцця можна выкарыстаць палегчаны шыфер. Паводле кантралёраў, па сваіх характарыстыках ён не саступае прафлісту, затое каштуе значна танней. У выніку даражэйшы матэрыял вырашылі замяніць.
Прапанову дзяржкантролю ўжо рэалізуюць на аб’ектах, якія цяпер будуюцца ў Магілёўскай вобласці. Такі ж падыход плануецца прымяняць і пры ўзвядзенні наступных прафілакторыяў.
Як адзначае КДК, на цяперашніх будоўлях прафілакторыяў эканомія дзяржаўных сродкаў склала больш за 80 тыс. рублёў. Той жа матэрыял для даху плануецца прымяняць і пры ўзвядзенні наступных.
Фотаздымак: КДК