Угарны газ ад печы забіў 63-гадовага дачніка ў вёсцы Рэчкі Магілёўскага раёна.
Прычынай смерці ў начы з 14 на 15 кастрычніка стала заўчаснае закрыццё юшкі пячы, якую папярэдне пратапіў мужчына. Яго ў непрытомнасці раніцой убачылі сваякі, якія прыехалі на дачу. Была выклікана хуткая дапамога, аднак выратаваць мужчыну ўжо не ўдалося.
Ратавальнікі папярэджваюць, што ўгарны газ незаўважны вокам і не мае паху. Таму яго часцяком называюць “ціхім забойцам”. Адна з асноўных прычын смерці ад яго – неправільнае выкарыстанне пячнога абсталявання.
Фотаздымак з адкрытых крыніц