На Чыгірынскім вадасховішчы каля вёскі Чачэвічы Быхаўскага раёна ратавальнікі МНС выцягнулі з вады мужчыну. Ён быў у выратавальнай камізэльцы і трымаўся за гумавую лодку прыкладна за 100 метраў ад берага, але не мог ні забрацца ў яе, ні даплысці да сушы самастойна.
Мужчына катаўся на лодцы разам з трыма знаёмымі. Падчас дазапраўкі лодка перакулілася, і ўсе чацвёра апынуліся ў вадзе. Трое дабраліся да берага самастойна. Ратавальнікі даставілі пацярпелага на бераг на выратавальнай дошцы і перадалі медыкам. Мужчыну шпіталізавалі.
Гэта другі такі выпадак каля Чачэвіч за тры месяцы. 22 ліпеня ратавальнікі на тым жа месцы выцягнулі з вады рыбака з Кіраўска: ён паслізнуўся, выпаў з гумовай вёсельнай лодкі і таксама трымаўся за яе ў выратавальнай камізэльцы прыкладна за 100 метраў ад берага.