У Бабруйску на вуліцы выпадкова сустрэліся двое мясцовых жыхароў – 59 і 43 гадоў. Малодшы папрасіў у старэйшага цыгарэту, атрымаў грубы адказ і размова перарасла ў канфлікт, а потым у бойку. Старэйшы, нецвярозы, атрымаў некалькі ўдараў па галаве і ўпаў тварам уніз на асфальтаваную дарогу – у лужыну.
Апанент выцягнуў яго адтуль і выклікаў хуткую дапамогу і міліцыю, але выратаваць мужчыну не ўдалося.
Судова-медыцынскую экспертызу правёў Бабруйскі міжраённы аддзел Дзяржаўнага камітэта судовых экспертыз.
Згодна з абнародаваным 20 жніўня заключэннем, пашкоджанні на галаве і руках загінулага па ступені цяжкасці кваліфікаваны як лёгкія і ў прычыннай сувязі са смерцю не знаходзяцца.
У крыві выяўлены этылавы спірт у канцэнтрацыі 3,6 праміле, а смерць наступіла ад механічнай асфіксіі ў выніку закрыцця дыхальных шляхоў вадой пры ўтапленні.
Ад высновы эксперта ў гэтай гісторыі залежала, тры гады ці пятнаццаць атрымае падазраваны.
Паводле заключэння Бабруйскі міжраённы аддзел Следчага камітэта распачаў у дачыненні да 43-гадовага мужчыны крымінальную справу за прычыненне смерці па неасцярожнасці.
Фота ведамаснага сайта ДКСЭ.