Пажар адбыўся ў жылым доме на вуліцы Цэнтральнай у вёсцы Пуцькі Чавускага раёна. Пра здарэнне паведамляе Магілёўскае абласное ўпраўленне МНС.
Калі ратавальнікі прыехалі на месца, дом ужо гарэў адкрытым полымем. Пенсіянера, які знаходзіўся ў будынку, да прыбыцця МНС выратаваў сусед.
Пацярпелага шпіталізавалі. Інфармацыі пра яго стан у паведамленні ведамства няма.
Агонь знішчыў дах, перакрыцце, веранду і маёмасць у доме, таксама былі пашкоджаныя сцены.
Прычына пажару пакуль высвятляецца. Паводле МНС, адна з версій — неасцярожнае абыходжанне з агнём падчас курэння.
Фота: МНС.