Мужчына разбіўся, а жанчына памерла ад нажавых раненняў. Так закончылася апошняя размова двух сужонцаў у Магілёве.
Ляжачага мужчыну без прыкмет жыцця пад вокнамі шматпавярховіка раніцай 10 верасня спачатку заўважылі прахожыя, якія выклікалі міліцыю. Яны ў сваю чаргу выявілі, што гэта 44-гадовы жыхар дома. У кватэры, дзе пражываў загіблы аказаўся яшчэ адзін труп – яго 50-гадовай сужонкі. Яна была ўся ў колата-рэзаных ранах.
Папярэднія даныя пацвердзілі, што мужчына ўпаў з вышыні, а жанчына памерла ад вялікай страты крыві.
Праваахоўнікі высветлілі, што вечарам сямейная пара выпівала, хаця і па месцы жыхарства і па месцы працы ніхто нічога дрэннага пра іх сказаць не мог. Яны выхоўвалі сына і дачку.
Узбуджана крымінальная справа па факце забойства.
Фотаздымак: sudexpert.gov.by