Стала вядома аб выраку 26-гадоваму палітвязню Міхаілу Філіпенку, які ўжо адбывае тэрмін зняволення ў калоніі №15 Магілёва.
26-гадовы спецыяліст IT-сферы быў затрыманы ў студзені 2026 года. Мінскі гарадскі суд прызнаў яго вінаватым ва ўдзеле ці падрыхтоўцы грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы. Меркавана, за данаты на падтрымку Украіны
Цяпер стала вядома, што 3 чэрвеня суд прызначыў яму пяць гадоў пазбаўлення волі ў калоніі ва ўмовах узмоцненага рэжыму, а таксама штраф 500 базавых велічыняў – 22,5 тыс. рублёў. Падрабязнасці, якія менавіта пераводы сталі падставай для абвінавачання, не вядомыя.
4 верасня 2026 года мужчыну ўнеслі ў пералік грамадзян Беларусі, замежных грамадзян і асоб без грамадзянства, якія маюць дачыненне да “экстрэмісцкай дзейнасці”.
Міхаіл Філіпенка нарадзіўся 25 мая 2000 года ў Віцебску. У 2021 годзе ён скончыў Беларускі дзяржаўны эканамічны ўніверсітэт. Паводле інфармацыі “Нашай Нівы”, пасля навучання больш за паўтара года мужчына адпрацаваў эканамістам у віцебскім санаторыі “Чыгуначнік”, а вясной 2023 года перайшоў у IT-сферу, уладкаваўшыся ў кампанію Support Desk Technologies у Мінску, і паспяхова ўкараняў сістэмы на базе штучнага інтэлекту для верыфікацыі дакументаў і аптымізацыі апрацоўкі плацяжоў.
Фотаздымак з ягонай старонкі ў LinkedIn